ﺩﻟﻢ ﺳﯽ ﺩﻭﺱ ﺩﯾﺮﯼ بی ﻗﺮﺍﺭﻩ
ﺷﻮ ﻭ ﺭﻭﺯﻡ ﺗﻤﻮﻣﺶ ﺍﻧﺘﻈﺎﺭﻩ
ﺩﻋﺎ ﻣﯿﮑﻢ ﮐﻪ ﺗﺎ ﺯﯾﺘﺮ ﺑﯿﻨﻤﺶ
ﮐﻪ ﺩﻭﻧﻢ ﺩﺭﺩ ﺩﯾﺮﯼ ﭼﺎﺭﻩ ﻧﺎﺭﻩ
***
هر دمی هر ساعتی سیت بیقرارم
کی میای سر بزنی طاقت ندارم
نه موبایلت خط میه نه میزنی زنگ
اس ام اس کل کو بیا دل سیت بیه تنگ
***
ﻧﻔﺲ ﺑﺎﺩ ﺻﺒﺎ ﺳﯽ ﺧﻮﻡ ﻭ ﺧﻮﺕ
ﺧﻮﺷﯽ ﻭ ﮔﺸﺖ ﻭ ﺻﻔﺎ ﺳﯽ ﺧﻮﻡ ﻭ ﺧﻮﺕ
ﺑﺪﯼ ﻭ ﺭﻧﺞ ﻭ ﻋﺰﺍ ﺳﯽ ﺩﺷﻤﻨﺖ
ﺑﻬﺘﺮﯾﻦ ﺭﻭﺯ ﺧﺪﺍ ﺳﯽ ﺧﻮﻡ ﻭ ﺧﻮﺕ
***
دلم سیت باز امشو تنگ تنگه
سرم پیک و بساطم لنگ لنگه
خدا دونه، خوتم دونی، خومم ها
که هر وقت ته منی دنیا قشنگه
***
ﭼﻨﯽ ﺳﺨﺘﻪ ﺧﯿﺎﻟﺶ ﺩ ﺳﺮﺕ ﺑﺎ
ﺭﻩ ﺩﯾﺮ ﻭ ﺩﺭﺍﺯﯼ ﺩ ﻭﺭﺕ ﺑﺎ
***
تو چی گل خوشگل و قنجی گلاره
تو لیمویی تو نارنجی گلاره
ایقه د هول خنج و خال خوت نو
تو خوت چی خال سر زنجی گلاره
گردکون لف لفیم ده یه درختیم
بار الاها نکه که ده یک بفتیم
***
ﭼﺶ ﻣﯿﺎﺭﻡ ﭼﺶ ﻣﻮﺭﻡ ﺩﻭﺱ ﻧﯽ ﺩﯾﺎﺭﺵ / ﺩﺱ ﺩ ﺩﻧﯿﺎ ﺷﺴﺘﻤﻪ ﻫﺎﻡ ﺩ ﺧﯿﺎﺑﺶ
هر چه چشم بر دور دست می اندازم ولی خبری از تو نیست / از دنیا بریدم و همیشه به تو فکر می کنم
***
ﺑﺎﺭﻭﻧﻪ ﻧﻢ ﻧﻢ ﺑﻮﺍﺭ ﺑﺮﻓﯽ ﻧﯿﺮﻩ ﭘﺎ
ﺩﻭﺳﮑﻢ ﻫﺎ ﺩ ﺳﻔﺮ ﺍﻭ ﺳﺮ ﺩﻧﯿﺎ
***
دلکم سی دوسکم خیلی بیه تنگ
شمارش یادم رته وش بزنم زنگ
چن روزه خورنارم دکار وبارش
اینشالا خوش بگذره و روزگارش
***
چی پژو پلاک سفید عبور موقت
دلکم سی دینت ده ناره طاقت
***
قد بلین، تیه قشنگ، میا حنایی
کر خو پیرم کردی که میا بیایی
داغ دیریت سوختمه مه سیت مریضم
جا پایات مین تیام دوس عزیزم
***
سیل چشم پر د خیال تونه / رپ رپ دل سی چش کال تونه
منتظرم بلکه تو سیلم بکی/چش امیدم و وصال تونه
***
ﺳﺮ ﺑﻨﻪ ﺳﺮ ﺩﻟﻢ ﺭﺳﻢ ﺭﻓﺎﻗﺖ
تو ﺳﺘﯿﻦ ﺩﻟﻤﯽ ﺗﺎ ﺑﻪ ﻗﯿﺎﻣﺖ
***
ﺍﺭ ﻫﺰﺍﺭ ﺣﻮﺭ ﻭ ﭘﺮﯼ ﺑﯿﺎ ﻭ ﭼﻨﮕﻢ
ﺩﯾﻦ ﻭ ﺩﻧﯿﺎﻡ ﻫﻪ ﺗﻮﻧﯽ ﺗﻮ ﻫﺎﯼ ﻭ ﺗﻨﮕﻢ
ﺑﺎﺭ ﺍﻟﻬﺎ ﺑﺮﺳﻮﻥ ﺍﻭ ﻧﺎﺯﻧﯿﻨﻢ
ﻭﺍﺵ ﺑﻮﺍﻡ ﻭﺍﺵ ﺑﺨﻨﻢ ﻭﺍﺵ ﺑﻨﺸﯿﻨﻢ
***
نه میتونم هنات بکم نه خوت میایی
نالکم رت سی فلک پس که میایی
مه که بی تو خراوم، تو چطوری ؟
مه که سی تو کواوم تو چطوری ؟
***
ﺍﺭ ﺑﯿﻨﯽ ﺯﻧﮓ ﻧﯿﺰﻧﻢ ﻧﯿﺪﻡ ﭘﯿﺎﻣﯽ
ﺩﯾﺮﺍﺩﯾﺮ ﺩﻭﺳﺖ ﺩﺍﺭﻡ ﻫﺮ ﺩﻭ ﺗﯿﺎﻣﯽ
***
هر ولاتی که ناره چی خوم طلایی
او ولاتن باد بوره باد فنایی
***
هر دمی هر ساعتی سیت بیقرارم/کی میای سر بزنی طاقت ندارم
نه موبایلت خط میه نه میزنی زنگ/ اس ام اس کل کو بیا دل سیت بیه تنگ
***
چی ﺍﻧﺎﺭ ﮔﻞ ﺩﺍﺭ ﻣﻪ ﺳﯿﺖ ﻫﻼﮐﻢ
ﻧﻪ ﺩﺳﻢ ﻭﺕ ﻣﯿﺮﺳﻪ ﻧﻪ ﭼﻮ ﮔﻼﮐﻢ
***
ﺗﻤﻮﻡ ﺯﻧﻪ ﺍﯾﻢ ﻧﺎﺯ ﭼﺸﯿﺎﺗﻪ
ﺩ ﮔﻮﺵ ﺟﻮﻧﻢ ﺁﻫﻨﮓ ﺻﺪﺍﺗﻪ
***
ﺑﯿﻮ ﻧﻬﻠﯿﻢ ﺩﻻﻣﻮﻥ ﺗﮏ ﺗﮏ ﺁﺑﻮﻥ
ﺑﯿﻮ ﮐﺎﺭﯼ ﮐﻨﯿﻢ ﺗﺎ ﺑﺎ یک ﺁﺑﻮﻥ
***
دلکم دی میکنه سی دیینه ریت
غم دیریت کشتمه لیوه بیمه سیت
***
نخن و زلف چی برفم، که پیری هه چنینه
خور ناری چنی برفی و هر گلی میشینه
اِ دوسه یادت و خیر هر جا که هیسی
باد دورون بزنت و تندرسی
***
مه او گلبرگ مغرورم که میمیرم د بی آوی
ولی وا خفت و خاری د پی شبنم نمیگردم
***
مَه اول، افتاو دوم، خُت سومینی
مَه که رَت، افتاو نشست، خُت دلنشینی
***
غم اوما حونه دلم بار ون و لویام
بوسونه آویاری کرد گریوه شویام
***
دلی دارم سیقه دو چش خمارت دعا میکم خدا ها وا دیارت
زمسو رت بهار اوما و شادی الهی پر د گل با روزگارت
***
سلام کُل کَس
عصا دس
قاب عکس
خویی نفس
***
سنگ مرمر بنی ام د رک دامت
یه روز د عمرم بمونه میا بحامت
(سنگ مرمر میگذارم مانند دام در مسیر تو
اگر یک روز از عمرم بماند تو را خواهم گرفت )
***
گردون د گردنش تا گردون جا
هی د سر ماچش بکی تا پنجه ی پا
(گردنبند به گردنش انداخته تا جای گردنبند
باید اورااز سر بوسید تا پنجه پا )
***
بشی تا بشینم همنشینت بام
همراز چشیا پر ده خینت بام
بشی تا بشینم سیم بؤیی رازت
سیم بؤیی د رهیا دیر و درازت
بنشین تا من نیز کنارت بنشینم
و همراز دیدگان خون آلودت بشوم
بنشین تا من نیز بنشینم و تو رازت را برایم بگویی
داستان جاده های دور و دراز کوچت را برایم حکایت کنی
***
اؤر سئ سایه ونه ری سینه عالم
برف وه ری برف باریه غصه وه ری غم
برف وه ری برف باریه ره نادئاره
روزگار سرد و سره ناسازگاره
ابر سیاهرنگ روی دنیا سایه انداخته است
برف روی برف باریده است و غصه بر روی غم
برف بر روی برف باریده است، راه ناپیداست
روزگار سرد و خاموشست و ناسازگار
***
قَرْدِ زخمِ دِلْ ای تِیَلُمْ بِگریوسی
سی دلِ مُو مرغ و ماهی تک وتک بگریوسی
صدهزارتا تیَه باید داشتی ای دل مُو
تا که هرکَش تَیْ تَرِسْ سی دل مو بگریوسی
***
سیزه سی بایم چشی ایطو نمو ء
یه تشی ون و دلم که خو نموء
دختر سبزه چشم بادامی که اینطور نمی شود
یک آتشی به جام انداخته که خوب نمی شود
***
ار بها چرخ فلک یاد تونه بور د ویرم /سر مونم زیر بالم کز میکنم آروم میمیرم
دونم و داغ حرفیات آخر و کهساز میزنم / ایقه متل خش نگو هیسه خومه دار میزنم
***
چه زونی و دوریت مه چه مکیشم /هر شو و عشقت تا سو منیشم
غم فراقت سزانی جرگم / چو دار حشکی بی بار و برگم
***
مه چی برفم تو افتو بهاری /مه بردم تو گلال بیقراری
مه چی اشکفت تاریکی که چوله / تو دلوازی، تو گپی، تو هماری